पश्चिम अस्ट्रेलियाको पर्थमा रहेको सामुदायिक केन्द्र अध्यक्षमा राजेश बुढाथोकी निर्वचित भएका छन्।
पर्थमा रहेको सो सामुदायिक केन्द्रका लागि बुढाथोकीको अध्यक्षतामा १४ सदस्यीय कमिटी निर्विरोध चयन भएको हो। कमिटीको कार्यकाल २ वर्षको हुन्छ। यो सामुदायिक केन्द्रमा पशुपतिनाथ, बौद्धनाथ, सामुदायिक भवन लगायतको निर्माण हुदैछ।
सामुदायिक केन्द्रको लागि पर्थमा जग्गा किन्ने काम समेत भइसकेको छ।
सामुदायिक भवनको लागि पश्चिम अस्ट्रेलिया सरकारले ५ लाख डलर अनुदान दिइसकेको छ।
‘अहिले अस्थायी भवन बनाएका छौं। हामीले धार्मिक कार्यक्रम त्यहा गर्न थालेका छौं,’ बुढाथोकीले सेतोपाटीसँग भने, ‘मेरो कार्यकालमा बिबाह, ब्रतबन्ध, भोजन गराउने वातावरण बनाउने प्रयास गर्छु।अनि मन्दिरको जग सम्म राख्ने कोसिस हुन्छ।’
त्यहा मन्दिर र सामुदायिक केन्द्रसँगै पार्टी पौवा लगायत संरचना बनाउने योजना रहेको समेत उनले बताए।
अहिले ४ सय भन्दा धेरै आजिवन सदस्य भइसकेका छन्।यसका लागि २५ सय डलर बुझाउन पर्छ।आफ्नो कार्यकालमा आजीवन सदस्य दोब्बर बनाउने सामुदायिक केन्द्रको लागि थप अनुदान जम्मा गर्न प्रयास गर्ने बुढाथोकीले बताए।
-1746009348.jpg)
