वैकैया नायडू भारतका नयाँ उपराष्ट्रपति

वैकैया नायडू भारतका नयाँ उपराष्ट्रपति




भारतका पूर्व केन्द्रियमन्त्री तथा भारतीय जनता पार्टी (बिजेपी) का नेता वैकैया नायडू उपराष्ट्रपति बन्न पुगेका छन्।

उपराष्ट्रपति पदका लागि शनिवार भएको निर्वाचनमा उनले राष्ट्रपिता महात्मा गान्धीका नाती गोपाल कृष्ण गान्धीलाई २ सय ७२ मतले पराजित गरे। नायडूले ५ सय १६ मत प्राप्त गरे। गोपाल कृष्णले २ सय ४४ मत ल्याए।

नायडू हिन्दुवादी संस्था आरएसएसको पृष्ठभूमिबाट उपराष्ट्रपति बन्ने दोस्रो नेता हुन्। यसअघि भैरोसिंह शेखावत २००२ मा निर्वाचित भएका थिए। उपराष्ट्रपछि निर्वाचनका लागि कूल ७ सय ८५ मतमध्ये ७ सय ७१ भोट खसेको थियो। १४ सदस्यले मतदानमा भाग लिएनन्।

प्रधानमन्त्री नरेन्द्र मोदीले आफ्नै मन्त्रिमण्डलमा समावेश रहेका नायडू उपराष्ट्रपति निर्वाचित भएपछि बधाई दिए।

प्रतिकृया दिनुहोस

© 2017 Setopati Sanchar Pvt. Ltd.