महोत्तरीको भँगाहा नगरपालिकामा लोकतान्त्रिक समाजवादी पार्टी नेपाल (लोसपा) का मेयर उम्मेदवार संजीवकुमार साह विजयी भएका छन्।
उनले ५६१७ मत प्राप्त गर्दै जित हासिल गरेका हुन्।
मेयर पदका निकटतम प्रतिद्वन्द्वी नेपाली कांग्रेसका विजय मण्डलले ५३५४ मत प्राप्त गरे भने माओवादी केन्द्रका राजनारायण राय थारू ४५३४ मत प्राप्त गर्दै तेस्रो भए।
उपमेयरमा भने कांग्रेसकी शान्तीकुमार सिंह विजयी भएकी छिन्। उनले ५७७५ मत प्राप्त गरिन्।
लोसपाकी गंगाकुमारी सिंह दुनुवारले ५३५५ मत प्राप्त गरिन्।
