सुनसरी क्षेत्र नम्बर ३ मा नेपाली कांग्रेसका विजयकुमार गच्छदार निरन्तर पछि परेका छन्। प्राप्त पछिल्लो मतपरिणाममा उनी नेकपा एमालेकी भगवती चौधरीभन्दा ४ हजार बढी मतले पछि छन्।
ताजा मतपरिणाम अनुसार एमालेकी चौधरीले ११ हजार ७१६ मत ल्याउँदा गच्छदारले ७ हजार ३२३ मत प्राप्त गरेका छन्।
यस्तै राष्ट्रिय स्वतन्त्र पार्टीका कमलबाबु मैनाली ४ हजार ८५५ मतसहित तेस्रो स्थानमा छन्।
अघिल्लो निर्वाचनमा यो क्षेत्रबाट कांग्रेसका गच्छेदार विजयी भएका थिए। उनले एमालेकै भगवतीलाई हराएका थिए।
