एमालेको चुनावी रणनीति: जसपासँग गठबन्धनदेखि कांग्रेसका बागीलाई समर्थनसम्म

सन्जिब बगाले

काठमाडौं, असोज २८

मंसिर ४ हुने संसदीय चुनावमा कसैसँग गठबन्धन नगर्ने निर्णय गरेको नेकपा (एमाले) ले चुनाव नजिकिँदै जाँदा भने सम्भव भएजति दल र व्यक्तिसँग तालमेल र समर्थन गर्ने रणनीति अपनाएको छ।

एमालेले गठबन्धन शब्द प्रयोग नग रेपनि चुनावी तालमेल भने मिलेसम्मका क्षेत्रहरूमा गरेको छ।

गठबन्धनकै शैलीमा एमालेले जनता समाजवादी पार्टी(जसपा)सँग चुनावी तालमेल गरेको छ। उसले जसपालाई १७ स्थान छोडेको छ भने जसपाले एमालेलाई ३५ स्थान छोडेको छ। अन्य निर्वाचन क्षेत्रहरूमा उसको मैत्रीपूर्ण प्रतिस्पर्धा हुने भन्ने सहमति भएको छ।

जसपासँग गठबन्धनको फाइदा एमालेले मधेस प्रदेशमा उठाउँदैछ। जसपासँग तालमेल भएसँगै एमाले सत्ता गठबन्धन तोड्नसमेत सफल भएको छ। सत्ता गठबन्धनमा जसपा भएको भए एमालेलाई मधेश प्रदेशका जुनसुकै क्षेत्रमा प्रतिस्पर्धा गर्न कठिन थियो ।अब भने सिराहा, पर्सा, बारा, सप्तरीलगायत जिल्लामा उसलाई सत्ता गठबन्धनसँग प्रतिस्पर्धा गर्न केही सहज हुन्छ।

एमालेले राष्ट्रिय प्रजातन्त्र पार्टी(राप्रपा)सँग समेत चुनावी तालेमल गरेको छ। उसले राप्रपालाई झापा क्षेत्र नं ३ छोडेको छ। त्यसको सट्टामा राप्रपाले एमालेलाई झापाका अन्य क्षेत्रमा सघाउनेछ। त्यसको सबैभन्दा ठूलो फाइदा राप्रपा अध्यक्ष राजेन्द्र लिङ्देन र झापा क्षेत्र नं ५ मा एमाले अध्यक्ष केपी शर्मा ओलीलाई हुनेछ। एक अर्काको सहयोगले ओली र लिङ्देन आफ्नो क्षेत्रमा थप बलिया बन्नेछन्।

रूपन्देही क्षेत्र नं ३ मा पनि राप्रपालाई एमालेले ठाउँ खाली गरिदिएको छ। उक्त क्षेत्रमा राप्रपाका दीपक बोहोरा उम्मेदवार बनेका छन्। यसअघि २०७४ मा सो क्षेत्रबाट एमालेका घनश्याम भुसालले चुनाव जितेका थिए। एमालेले भुसाललाई टिकट नदिएपछि उनले रूपन्देही क्षेत्र नं १ बाट स्वतन्त्र उम्मेदवारी दिएका छन्। एमाले त्यागेर स्वतन्त्र उम्मेदवार बनेका भुसाललाई सत्ता गठबन्धनले समर्थन गरेको छ। रूपन्देही क्षेत्र नं ३ मा सघाएबापत् राप्रपाले रूपन्देहीका अरू क्षेत्रमा एमालेलाई सघाउनेछ।

बाँके क्षेत्र नं २ मा पनि एमालेले राप्रपाका धवलशमशेर राणालाई समर्थन गर्दैछ। जसपाका मोहम्मद इस्तियाक राई पनि सोही क्षेत्रबाट उम्मेदवार बनेका छन्। राप्रपाका राणालाई समर्थन गर्ने आश्वासन पहिल्यै दिइसकेकाले सो क्षेत्रमा एमालेले जसपालाई समर्थन नगरेको हो। उक्त क्षेत्रमा एमालेले मैत्रीपूर्ण प्रतिस्पर्धा गर्ने भनेर जसपालाई ठाउँ छोडेको छैन।

एमालेले डडेल्धुरामा नेपाली कांग्रेस (बिपी)का उम्मेदवार कर्णबहादुर मल्ललाई समर्थन गरेको छ। डडेल्धुरामा सत्ता गठबन्धनका तर्फबाट नेपाली कांग्रेसका सभापति एवं प्रधानमन्त्री शेरबहादुर देउवा चुनावी मैदानमा छन्। उनले २०४८ सालयता सोही जिल्लाबाट ६ पटक चुनाव जितिसकेका छन्।

एमालेले नवलपरासी पश्चिम क्षेत्र नं २ मा जनता प्रगतिशील पार्टीका हृदयेश त्रिपाठीलाई समर्थन गरेको छ। त्रिपाठीका लागि एमालेकी सिन्धु जलेसा बुढाथोकीको उम्मेदवारी फिर्ता भएको छ। उक्त क्षेत्रमा सत्ता गठबन्धनका तर्फबाट उद्योगपति समेत रहेका कांग्रेसका विनोद चौधरी उम्मेदवार छन्।

मकवानपुर क्षेत्र नं १ मा नेकपा एमालेले राप्रपा नेपालका अध्यक्ष कमल थापालाई उम्मेदवार बनाएको छ। थापाले एमालेको चुनाव चिन्ह सूर्य लिएर उम्मेदवारी दिएका छन्।

एमालेको चुनावी रणनीतिमा दल मात्र होइन व्यक्तिसमेत परेका छन्।

एमालेले चितवन क्षेत्र नं ३ मा आफ्ना उम्मेदवार रामप्रसाद न्यौपानेलाई फिर्ता गराएको छ। उसले त्यहाँ कांग्रेसबाट बागी उम्मेदवार बनेका दिनेश कोइरालालाई समर्थन गर्ने सम्भावना बढेको छ।

एमालेका उपमहासचिव प्रदीप ज्ञवालीले चितवन क्षेत्र नं ३ मा दिनेश कोइरालालाई समर्थन गर्ने तयारी रहेको सेतोपाटीलाई बताए।

आफूहरूले कसैसँग चुनावी गठबन्धन नबनाएको तर ठाउँ हेरेर तालमेल भएको उनले बताए।

‘विपक्षीले सत्ता पक्षविरूद्ध मोर्चा बनाउनु स्वाभाविक हो। सत्ताले प्रतिपक्षसँग मोर्चा बनाउनु भनेको राजनीतिक भाषामा सामाजिक फासीवाद हो,’ ज्ञवालीले भने।

एमालेका अर्का उपमहासचिव विष्णु रिमालले विपक्षीका विरूद्ध आफूहरूको तालमेल स्वाभाविक रहेको बताए।

‘हामीले कसैसँग केन्द्रीय रूपमा गठबन्धन गरेका छैनौं। परमादेशी गठबन्धनको विरूद्धमा रहेकाहरूलाई एक ठाउँमा ल्याएको हो,’ उनले भने,‘सत्ता गठबन्धनसँग हाम्रो तुलना नै हुँदैन। उनीहरूको कुनै योजना, नीति, लक्ष्य अनि गन्तव्य छैन।’

सत्ता गठबन्धनको जस्तो देशव्यापी रूपमा एमालेले सामूहिक सभा समेत नगर्ने रिमालले बताए।

आफू कमजोर भएको ठाउँमा सत्ता गठबन्धनलाई हराउन जुनसुकै उम्मेदवारलाई सघाउनु स्वाभाविक रहेको उनको तर्क छ।

यी हुन् एमाले गठबन्धनका उम्मेदवारहरू

क्र.सं.	प्रदेश	जिल्ला	क्षेत्र	एमाले गठबन्धन
क्र.सं.	प्रदेश	जिल्ला	क्षेत्र	नेकपा एमाले	जसपा	राप्रपा
१	प्रदेश १	ताप्लेजुंग	१	योगेश कुमार भट्टराई
२	प्रदेश १	पाँचथर	१	वसन्त कुमार नेम्वाङ्ग
३	प्रदेश १	इलाम	१	महेश बस्नेत
४	प्रदेश १	इलाम	२	सुवास चन्द्र नेम्वाङ्ग
५	प्रदेश १	झापा	१	अग्नि प्रसाद खरेल
६	प्रदेश १	झापा	२	देव राज घिमिरे
७	प्रदेश १	झापा	४	लाल प्रसाद साँवा लिम्बू
८	प्रदेश २	झापा	३			राजेन्द्र प्रसाद लिङ्देन
९	प्रदेश १	झापा	५	के.पी शर्मा ओली
१०	प्रदेश १	संखुवासभा	१	राजेन्द्र प्रसाद गौत्तम
११	प्रदेश १	तेर्हथुम	१	बिजय सुब्बा
१२	प्रदेश १	भोजपुर	१	शेरधन राई
१३	प्रदेश १	धनकुटा	१	राजेन्द्र कुमार राई
१४	प्रदेश १	मोरङ्ग	१	घनश्याम खतीवडा
१५	प्रदेश १	मोरङ्ग	२	ऋषिकेश पोखरेल
१६	प्रदेश १	मोरङ्ग	३	भानु भक्त ढकाल
१७	प्रदेश १	मोरङ्ग	४	विनोद प्रसाद ढकाल
१८	प्रदेश १	मोरङ्ग	५		राज कुमार यादव
१९	प्रदेश १	मोरङ्ग	६	लाल बाबु पंण्डित
२०	प्रदेश १	सुनसरी	१		अशोक कुमार राई
२१	प्रदेश १	सुनसरी	२	भीम प्रसाद आचार्य
२२	प्रदेश १	सुनसरी	३	भगवती चौधरी
२३	प्रदेश १	सुनसरी	४	जगदिश प्रसाद कुसियैत
२४	प्रदेश १	सोलुखुम्बु	१	मानबीर राई
२५	प्रदेश १	खोटाङ्ग	१	विशाल भट्टराई
२६	प्रदेश १	ओखलढुंगा	१	यज्ञ राज सुनुवार
२७	प्रदेश १	उदयपुर	१	मन्जु कुमारी चौधरी
२८	प्रदेश १	उदयपुर	२	अम्वर बहादुर रायामाझी
२९	मधेश प्रदेश	सप्तरी	१		नवल किसोर साह सुडी
३०	मधेश प्रदेश	सप्तरी	२		उपेन्द्र यादव
३१	मधेश प्रदेश	सप्तरी	३	ताराकान्त चौधरी
३२	मधेश प्रदेश	सप्तरी	४		वालकिसोर यादव
३३	मधेश प्रदेश	सिराहा	१	राम शंकर यादव
३४	मधेश प्रदेश	सिराहा	२		राज किशोर यादव
३५	मधेश प्रदेश	सिराहा	३	लिलानाथ श्रेष्ठ
३६	मधेश प्रदेश	सिराहा	४		बिरेन्द्र प्रसाद महतो
३७	मधेश प्रदेश	धनुषा	१		दीपक कार्की
३८	मधेश प्रदेश	धनुषा	२	उमाशंकर अरगरिया
३९	मधेश प्रदेश	धनुषा	३	जुली कुमारी महतो (महासेठ)
४०	मधेश प्रदेश	धनुषा	४	रघुबीर महासेठ
४१	मधेश प्रदेश	महोत्तरी	१	लझ्मी महतो कोइरी
४२	मधेश प्रदेश	महोत्तरी	२	राम परिक्षण यादव
४३	मधेश प्रदेश	महोत्तरी	३		हरि नारायण यादव
४४	मधेश प्रदेश	महोत्तरी	४		सुरेन्‍द्र कुमार यादव
४५	मधेश प्रदेश	सर्लाही	१		प्रमोद साह
४६	मधेश प्रदेश	सर्लाही	२	राज नारायण साह
४७	मधेश प्रदेश	सर्लाही	३	हरि प्रसाद उप्रेती
४८	मधेश प्रदेश	सर्लाही	४		राकेश कुमार मिश्र
४९	मधेश प्रदेश	रौतहट	१	अजय कुमार गुप्‍ता
५०	मधेश प्रदेश	रौतहट	२		शैलेन्द्र शाह
५१	मधेश प्रदेश	रौतहट	३
५२	मधेश प्रदेश	रौतहट	४	उध्दव प्रसाद रेग्मी
५३	मधेश प्रदेश	बारा	१	अच्युत प्रसाद मैनाली
५४	मधेश प्रदेश	बारा	२		रामसहाय प्रसाद यादव
५५	मधेश प्रदेश	बारा	३	ज्वाला कुमारी साह
५६	मधेश प्रदेश	बारा	४	एक‍वाल मियाँ
५७	मधेश प्रदेश	पर्सा	१		प्रदिप यादव
५८	मधेश प्रदेश	पर्सा	२		सुरेन्‍द्र प्रसाद कुर्मी
५९	मधेश प्रदेश	पर्सा	३	राज कुमार गुप्ता
६०	मधेश प्रदेश	पर्सा	४	जालिम मियाँ मंसुरी
६१	बागमती प्रदेश	दोलखा	१	बालकृष्ण शिवाकोटी
६२	बागमती प्रदेश	रामेछाप	१	कैलाश प्रसाद ढुंगेल
६३	बागमती प्रदेश	सिन्धुली	१	प्रदिप कुमार कटुवाल क्षेत्री (के सी)
६४	बागमती प्रदेश	सिन्धुली	२	मनोज जंग थापा
६५	बागमती प्रदेश	रसुवा	१	छोवाङ तेन्जीन तामङ्ग
६६	बागमती प्रदेश	धादिङ्ग	१	भुमि प्रसाद त्रिपाठी
६७	बागमती प्रदेश	धादिङ्ग	२	खेम प्रसाद लोहनी
६८	बागमती प्रदेश	नुवाकोट	१	बद्री मैनाली
६९	बागमती प्रदेश	नुवाकोट	२	नारायण प्रसाद खतिवडा
७०	बागमती प्रदेश	काठमाडौं	१	किरण पौडेल
७१	बागमती प्रदेश	काठमाडौं	१०	हिमेस के.सी
७२	बागमती प्रदेश	काठमाडौं	२	मणिराम फुयाल
७३	बागमती प्रदेश	काठमाडौं	३	कृष्‍ण बहादुर राई
७४	बागमती प्रदेश	काठमाडौं	४	राजन भट्टराई
७५	बागमती प्रदेश	काठमाडौं	५	इश्वर पोखरेल
७६	बागमती प्रदेश	काठमाडौं	६	सर्वेन्द्र खनाल
७७	बागमती प्रदेश	काठमाडौं	७	श्‍याम कुमार घिमिरे
७८	बागमती प्रदेश	काठमाडौं	८	शिव सुन्दर राजवैद्य
७९	बागमती प्रदेश	काठमाडौं	९	कृष्ण गोपाल श्रेष्ठ
८०	बागमती प्रदेश	भक्तपुर	१	नवराज गेलाल
८१	बागमती प्रदेश	भक्तपुर	२	महेश बस्नेत
८२	बागमती प्रदेश	ललितपुर	१	नव राज सिलवाल
८३	बागमती प्रदेश	ललितपुर	२	प्रेम बहादुर महर्जन
८४	बागमती प्रदेश	ललितपुर	३	अमृत खड्का
८५	बागमती प्रदेश	काभ्रेपलाञ्चोक	१	रेशम बहादुर लामा
८६	बागमती प्रदेश	काभ्रेपलाञ्चोक	२	गोकुल प्रसाद वाँस्कोटा
८७	बागमती प्रदेश	सिन्धुपाल्चोक	१	सरेश नेपाल
८८	बागमती प्रदेश	सिन्धुपाल्चोक	२	शेर बहादुर तामाङग
८९	बागमती प्रदेश	मकवानपुर	१	कमल थापा
९०	बागमती प्रदेश	मकवानपुर	२	महेश कुमार वर्तौला
९१	बागमती प्रदेश	चितवन	१	सुरेन्द्र प्रसाद पाण्डे
९२	बागमती प्रदेश	चितवन	२	कृष्ण भक्त पोख्रेल
९३	बागमती प्रदेश	चितवन	३
९४	गण्डकी प्रदेश	गोरखा	१	राम शरण वस्नेत
९५	गण्डकी प्रदेश	गोरखा	२	अब्दुस सलाम मिया
९६	गण्डकी प्रदेश	मनाङ्ग	१	पोल्देन छोपाङ गुरुङ्ग
९७	गण्डकी प्रदेश	लमजुंग	१	पृथ्‍वी सुव्वा गुरुङ
९८	गण्डकी प्रदेश	कास्की	१	मन बहादुर गुरुङ्ग
९९	गण्डकी प्रदेश	कास्की	२	विधा भटटराई
१००	गण्डकी प्रदेश	कास्की	३	दामोदर पौडेल वैरागी
१०१	गण्डकी प्रदेश	तनहुँ	१	एक बहादुर राना मगर
१०२	गण्डकी प्रदेश	तनहुँ	२	किरण गुरुङ
१०३	गण्डकी प्रदेश	स्याङ्जा	१	नारायण प्रसाद मरासिनी
१०४	गण्डकी प्रदेश	स्याङ्जा	२	पद्‍मा कुमारी अर्याल
१०५	गण्डकी प्रदेश	नवलपरासी (बर्दघाट सुस्ता पूर्व)	१	कृष्‍ण प्रसाद पौडेल
१०६	गण्डकी प्रदेश	नवलपरासी (बर्दघाट सुस्ता पूर्व)	२	तिल बहादुर महत क्षेत्री
१०७	गण्डकी प्रदेश	मुस्तांग	१	प्रेम प्रसाद तुलाचन
१०८	गण्डकी प्रदेश	म्याग्दी	१	हरीकृष्ण श्रेष्ठ
१०९	गण्डकी प्रदेश	बागलुङ	१	सुर्य प्रसाद पाठक
११०	गण्डकी प्रदेश	बागलुङ	२	मन्जु शर्मा
१११	गण्डकी प्रदेश	पर्वत	१	पदम गिरी
११२	लुम्बिनी प्रदेश	गुल्मी	१	प्रदिप कुमार ज्ञवाली
११३	लुम्बिनी प्रदेश	गुल्मी	२	गोकर्ण राज विष्‍ट
११४	लुम्बिनी प्रदेश	पाल्पा	१	नारायण प्रसाद आचार्य
११५	लुम्बिनी प्रदेश	पाल्पा	२	ठाकुर प्रसाद गैरे
११६	लुम्बिनी प्रदेश	अर्घाखांची	१	टोप बहादुर रायमाझी
११७	लुम्बिनी प्रदेश	रुपन्देही	१	छविलाल विश्वकर्मा
११८	लुम्बिनी प्रदेश	रुपन्देही	२	विष्‍णु प्रसाद पौडेल
११९	लुम्बिनी प्रदेश	रुपन्देही	३			दीपक बोहरा
१२०	लुम्बिनी प्रदेश	रुपन्देही	४		ओम प्रकाश यादव
१२१	लुम्बिनी प्रदेश	रुपन्देही	५	बासु देव घिमिरे
१२२	लुम्बिनी प्रदेश	कपिलवस्तु	१	बलराम अधिकारी
१२३	लुम्बिनी प्रदेश	कपिलवस्तु	२	बृजेश कुमार गुप्‍त
१२४	लुम्बिनी प्रदेश	कपिलवस्तु	३	मंगल प्रसाद गुप्‍ता
१२५	लुम्बिनी प्रदेश	रुकुम पूर्व	१	कैलाश कुमार मल्ल
१२६	लुम्बिनी प्रदेश	रोल्पा	१	पूर्ण बुढामगर
१२७	लुम्बिनी प्रदेश	प्यूठान	१	सूर्य बहादुर थापा क्षेत्री
१२८	लुम्बिनी प्रदेश	दाङ	१	शान्ता चौधरी
१२९	लुम्बिनी प्रदेश	दाङ	२	शंकर पोख्रेल
१३०	लुम्बिनी प्रदेश	दाङ	३	कोमल वली
१३१	लुम्बिनी प्रदेश	बाँके	१	सुर्य प्रसाद ढकाल
१३२	लुम्बिनी प्रदेश	बाँके	२			धवलशम्मशेर जगंबहादुर राणा
१३३	लुम्बिनी प्रदेश	बाँके	३	किस्मत कुमार कक्षपति
१३४	लुम्बिनी प्रदेश	बर्दिया	१	लक्ष्मणराज ज्ञवाली
१३५	लुम्बिनी प्रदेश	बर्दिया	२	पंकज सिंह राठौर
१३६	लुम्बिनी प्रदेश	नवलपरासी (बर्दघाट सुस्ता पश्चिम)	१
१३७	लुम्बिनी प्रदेश	नवलपरासी (बर्दघाट सुस्ता पश्चिम)	२	दिपेन्द्र कुमार अधिकारी
१३८	कर्णाली प्रदेश	सल्यान	१	राजेन्द्र वीर राय
१३९	कर्णाली प्रदेश	डोल्पा	१	गणेश बहादुर शाही
१४०	कर्णाली प्रदेश	मुगु	१	राज बहादुर कार्की
१४१	कर्णाली प्रदेश	जुम्ला	१	रतन नाथ योगी
१४२	कर्णाली प्रदेश	कालिकोट	१	श्री नगीन्द्र शाही
१४३	कर्णाली प्रदेश	हुम्ला	१	दल रावल
१४४	कर्णाली प्रदेश	जाजरकोट	१	निरज प्रसाद आचार्य
१४५	कर्णाली प्रदेश	दैलेख	१	रविन्द्र राज शर्मा
१४६	कर्णाली प्रदेश	दैलेख	२	लक्ष्मी प्रसाद पोखरेल
१४७	कर्णाली प्रदेश	सुर्खेत	१	ध्रुवकुमार शाही
१४८	कर्णाली प्रदेश	सुर्खेत	२	अमृत बहादुर बुढा क्षेत्री
१४९	कर्णाली प्रदेश	रुकुम पश्चिम	१	नन्दराम देवकोटा
१५०	सुदूरपश्चिम प्रदेश	बाजुरा	१	कर्ण बहादुर थापा
१५१	सुदूरपश्चिम प्रदेश	अछाम	१	झपट बहादुर बोहरा
१५२	सुदूरपश्चिम प्रदेश	अछाम	२	यज्ञ बहादुर बोगटी
१५३	सुदूरपश्चिम प्रदेश	बझाङ्ग	१	ऐन बहादुर महर
१५४	सुदूरपश्चिम प्रदेश	डोटी	१	गौरी कुमारी ओली
१५५	सुदूरपश्चिम प्रदेश	कैलाली	१	तपेन्द्र बहादुर रावल
१५६	सुदूरपश्चिम प्रदेश	कैलाली	२	झपट बहादुर रावल
१५७	सुदूरपश्चिम प्रदेश	कैलाली	३	गौरी शंकर चौधरी
१५८	सुदूरपश्चिम प्रदेश	कैलाली	४	लेख राज भट्ट
१५९	सुदूरपश्चिम प्रदेश	कैलाली	५	नारद मुनि राना
१६०	सुदूरपश्चिम प्रदेश	दार्चुला	१	गणेश सिंह ठगुन्ना
१६१	सुदूरपश्चिम प्रदेश	डडेलधुरा	१
१६२	सुदूरपश्चिम प्रदेश	बैतडी	१	दामोदर भण्डारी
१६३	सुदूरपश्चिम प्रदेश	कन्चनपुर	१	तारा लामा तामाङ
१६४	सुदूरपश्चिम प्रदेश	कन्चनपुर	२	नर बहादुर धामी
१६५	सुदूरपश्चिम प्रदेश	कन्चनपुर	३	निरु देवी पाल