रंगकर्मी किरण चापागाईंको एकल प्रस्तुति रहने नाटक 'अनुत्तर' मञ्चन हुने भएको छ।
सांस्कृतिक संस्थान (राष्ट्रिय नाचघर) मा साउन १ देखि ७ गतेसम्म मञ्चन हुन लागेको हो। यस नाटकमा देश, जीवन र भविष्यसँगको मझधारमा धुल्मुलिएर आफैंमा हराएका नागरिकता भिरेका अनागरिकहरूको कथालाई समेटिएको छ।
यो नाटक राम के.ए.सी.ले निर्देशन तथा लेखन गरेका हुन्। यस नाटकको सह-निर्देशन सुशीलालक्ष्मी महर्जनको रहनेछ।
सद्भाव थिएटरले मञ्चन गर्न लागेको नाटक हरेक साँझ ५ः३० बजे र अतिरिक्त शो १ः३० बजे हुनेछ।
