'नेपाल आइडल' सिजन ५ का विजेता करण परियारको शब्द, संगीत र स्वर रहेको गीत 'सम्झना' सार्वजनिक भएको छ। स्वरमा उनलाई रोहित सुन्दासले साथ दिएका छन्।
आइडलको विजेता भएपछि करणले थुप्रै गीतमा स्वर भरेको भए पनि उनले पहिलो पटक आफ्नो सृजना सार्वजनिक गरेका हुन्।
रंग पत्रकार सुजन श्रेष्ठले निर्देशन गरेको वान टेक भिडिओमा करण र रोहित फिचर्ड छन्। पंकज महराले छायांकन गरेको भिडिओलाई सुशिल घिमिरेले सम्पादन र कलर गरेका हुन्।
