गायक अमित प्रधानको आवाज रहेको नयाँ गीत 'मायाको आभाष' सार्वजनिक गरिएको छ।
म्युजिक नेपालको अफिसियल युट्युब च्यानलमा सार्वजनिक उक्त गीतमा शब्द रचना र संगीत पनि गायक प्रधानले नै भरेका छन्। गीतको संगीत निर्माण भने हर्कुलस बस्नेतले गरेका हुन्।
हिमाल थापाले निर्देशन गरेको उक्त म्युजिक भिडिओमा व्हेर्री केसी र अमित प्रधानको अभिनय रहेको छ। भिडिओमा मेकअप सदिक्षा कर्माचार्यले सम्हालेकी छन् र कपाल सजावट (हेयर) खुस्बु श्रेष्ठले गरेकी छन् भने ट्यांक साउदले मेकअप सहायकको जिम्मेवारी पुरा गरेका छन्।
सार्वजनिक गीत 'मायाको आभाष' लाई म्युजिक नेपालले निर्माण र बजार व्यवस्थापन गरेको छ। यस गीतको भोकल रेकर्डिङ अस्ट्रेलियाको मेलबर्नमा सन्देश श्रेष्ठले गरेका हुन् र यो गीतमा किरण बरालले बाँसुरी बजाएका छन्।
भिडिओमा सहायक निर्देशकको भूमिका सञ्जय सुवेदीले निभाएका छन्। भिडिओको सम्पादन र रंग संयोजन हिमाल थापाले नै गरेका छन्। भिडिओलाई सिनेम्याटोग्राफर (डीओपी) रेयवट श्रेष्ठले खिचेका हुन् भने उत्पादन व्यवस्थापक सलिम एमएसएम गरेका छन्।
