गायक सुशान्त केसी 'बार्दली' गीत हिन्दी भाषामा सार्वजनिक भएको छ। हिन्दी भाषामा गीतलाई 'उर्फ' नाम दिइएको छ।
सोमबार टि-सिरिज युट्युब च्यानलमार्फत 'उर्फ' बोलको गीत सार्वजनिक गरिएको हो। भिडिओमा सुशान्त केसी र स्वस्तिमा खड्कालाई देख्न सकिन्छ।
गीतको रचना र संगीत सुशान्त केसीकै हो।
नयन राईले निर्देशन गरेको म्युजिक भिडिओलाई कृतिका बरालले कोरियोग्राफी गरेकी हुन्। नयन राईले छायांकन गरेको गीतलाई अशोक अधिकारीले सम्पादन गरेका हुन्।
