त्रिभुवन विश्वविद्यालय शिक्षण अस्पताल महाराजगञ्जका ग्यास्ट्र सर्जन डा. रमेश सिंह भण्डारी चिकित्सासँगै सिर्जना कर्ममा पनि उत्तिकै तल्लीन छन्।
त्यसो त उनी खेलकुदमा पनि आफूलाई उत्तिकै क्रियाशील राख्न रुचाउँछन्। चिकित्सा जीवनबाट फुर्सद निस्किएको समयमा
गीत–संगीतको कर्ममा लगाउने भण्डारीले भर्खरै ‘जीवन यो रहेसम्म’ गीति सिर्जना ल्याएका छन्।
उनले शुक्रबार आफ्नै युट्युब च्यानलमार्फत् ‘जीवन यो रहेसम्म’ गीत सार्वजनिक गरेका हुन्। जुन गीतको शब्द, संगीत उनकै रहेको छ। साथै उनले अभिनय पनि आफै गरेका छन्।
डा. भण्डारीले यसअघि ‘तिमी नै, तिमी नै’, ‘एउटा जीवन’, ‘कसरी भनौं’, ‘मायालु भाका’, ‘किन होला’, ‘नीलो आकाश’ लगायत गीति सिर्जना ल्याइसकेका छन्।
डा. भण्डारी त्रिवि शिक्षण अस्पतालको कलेजो प्रत्यारोपण विभागका प्रमुख हुन्।
भिडिओ:
