केही दिनअघि लगनगाँठो कसेकी गायिका मेलिना राईले खुसी साटेकी छन्।
उनले आफ्नो सामाजिक सञ्जालमा विवाहका तस्बिरहरू राख्दै श्रीमानप्रति प्रेमभाव प्रस्तुत गरेकी छन्।
मेलिना लेख्छिन्, 'प्रिय श्रीमान्, म मेरो जीवनमा तपाईँलाई पाउँदा धेरै भाग्यमानी र खुसी महसुस गर्दैछु।'
उनका श्रीमान ध्रुव गुरूङले पनि खुसी साटेका छन्।
उनले लेखेका छन्, 'प्यारी श्रीमती, तिमीसँग विवाह गर्नु मेरो जीवनको सबैभन्दा राम्रो निर्णय हो। तिमी मेरो जीवनमा भएको सबैभन्दा राम्रो कुरा हो। तिमीलाई धेरै माया गर्छु।'
नेपाली सांगीतिक क्षेत्रकी चर्चित गायिका मेलिना यतिबेला 'भ्वाइस अफ नेपाल' सिजन ६ को कोच समेत हुन्।
