चर्चित गायिका मेलिना राईले इन्गेजमेन्ट गरेकी छन्।
इन्गेजमेन्टका तस्बिरहरू सार्वजनिक भएसँगै उनलाई उनका फ्यान, शुभचिन्तक एवं कलाकारहरूले बधाई दिइरहेका छन्।
मेलिनाले ध्रुव गुरूङसँग इन्गेजमेन्ट गरेकी हुन्। यी दुईको विवाह शुक्रबार हुँदैछ।
काठमाडौं गोकणेश्वरको एक रिसोर्टमा विवाह समारोह राखिएको छ। परिवार, आफन्त र सीमित साथीभाइको उपस्थितिमा विवाह हुन लागेको बुझिएको छ।
युट्युबमा सर्वाधिक हेरिएको 'कुटुमा कुटु' सहित मेलिनाले स्वर दिएका दर्जनौं गीत सुपरहिट छन्।
उनी कोच रहेको रियालिटी शो 'द भ्वाइस अफ नेपाल सिजन ६' को प्रसारण पनि भोलि शुक्रबारदेखि सुरू हुँदैछ।
