भारतीय प्रधानमन्त्री नरेन्द्र मोदी र अभिनेता संजय दत्तले गायिका स्मिता दाहाललाई वैवाहिक जीवनको शुभकामना दिएका छन्।
मोदीले स्मिताकी आमा समेत रहेकी गंगा दाहाललाई शुभकामना सन्देश पठाउँदै स्मिता र सायुज्यको जोडीलाई शुभकामना दिएका हुन्। उक्त सन्देशमा मोदीले स्मिताका हजुरबुवा समेत रहेका पूर्वप्रधानमन्त्री पुष्पकमल दाहाल प्रचण्डलाई पनि शुभकामना दिएका छन्।
गंगा दाहालले सामाजिक सञ्जालमा मोदीको शुभकामना सन्देश सार्वजनिक गरेकी छिन्।
त्यस्तै, बलिउड अभिनेता सञ्जय दत्तले मंगलबार एक भिडिओ सन्देश जारी गर्दै नवविवाहित जोडीलाई बधाई दिन छिट्टै नेपाल आउने बताएका छन्। गंगा दाहालले सामाजिक सञ्जालमार्फत सो भिडिओ सार्वजनिक गरेकी छन्।
स्मिता दाहालले मंसिर २१ गते प्रेमी सायुज्य श्रेष्ठसँग लगनगाँठो कसेकी हुन्।
स्मिताका 'मायालु तिमी कता छौ', 'कल्लाइ था छैन' जस्ता गीत निकै चर्चित छन्।
