म्युजिकल फिल्म 'जुनेली' सार्वजनिक गरिएको छ।
१७ मिनेटको यो म्युजिकल फिल्ममा एक जोडीको प्रेम–बिछोडको कथा देखाइएको छ।
यसमा गायिका समीक्षा अधिकारीले स्वर दिएकी छिन्।
गीतकार गोविन्द भट्टका शब्द र बाबुल गिरीको संगीत रहेको 'जुनेली' ले प्रेमपीडा बोलेको छ।
भिडिओमा प्रेमका खुसीका र बिछोडका दुवै पल देखाइएको छ। गीतको एरेन्ज संगीतकार गिरीले नै गरेका हुन्।
भिडिओमा कलाकार प्रेम सुब्बा, कविता आले, सुवास गजुरेलको अलवा गीतकार गोविन्द भट्ट र मोडल रिना गुरूङको अभिनय देख्न सकिन्छ।
मुखियाको छोरीको त्यही घरमा बस्ने हलीसँगको प्रेमकथा भिडिओले देखाएको छ। म्युजिकल फिल्मका निर्देशक देबेन्द्र पाण्डे हुन्। यसमा आफूले केही फरक दिने कोसिस गरेको निर्देशक पाण्डेले बताए।
उत्सव दाहालको डिओपी रहेको 'जुनेली' को भिडिओलाई साहिल खानले सम्पादन गरेका हुन्।
