गायक देवेन्द्र बब्लु र उनको दि फिरन्ते ब्याण्डले पश्चिम नेपालका ६ सहरमा कन्सर्ट गर्ने भएको छ।
भर्खरै सुरूआत भएको ब्याण्डको पश्चिम नेपाल टुरको घोषणा भएको हो।
यो टुरअन्तर्गतको पहिलो कन्सर्ट डिसेम्बर ११ (मंसिर २६) मा घोराहीमा हुनेछ।
डिसेम्बर १३ (मंसिर २८) मा कोहलपुर, डिसेम्बर १४ (मंसिर २९) मा नेपालगञ्ज र डिसेम्बर १५ (मंसिर ३०) मा धनगढीमा कन्सर्ट हुने जनाइएको छ।
त्यसपछि बुटवल र पोखरामा कन्सर्ट हुनेछ। यी ठाउँको मिति भने सार्वजनिक हुन बाँकी छ।
'मस्ट बि अ जेम्सन' को प्रस्तुतिमा यो टुर हुन लागेको हो।
'देवेन्द्र बब्लु र दि फिरन्ते' ले हालै कन्दरा ब्याण्डको काठमाडौं कन्सर्टमा प्रस्तुति दिएको थियो। ब्याण्डले छिट्टै 'फिरन्ते' एल्बम ल्याउने तयारी गरेको छ।
