त्रिवि शिक्षण अस्पतालका प्राध्यापक एवं कलेजो प्रत्यारोपण सर्जन डा. रमेशसिंह भण्डारीले 'एउटा जीवन यस्तो थियो' बोलको म्युजिक भिडिओ सार्वजनिक गरेका छन्।
गीत बाल्यकालसँग सम्बन्धित छ। यसको रचना डा.प्रकाश पौडेलले गरेका हुन् भने कम्पोजिशन भण्डारीले गरेका हुन्। गीतलाई गीतलाई प्रदीप जोशीले एरेन्ज गरेका हुन्।
भिडिओमा वैभव सिंह भण्डारी, अविग श्रेष्ठ, आरव श्रेष्ठ लगायत देखिएका छन्। भिडिओलाई अनिल के. मानन्धरले छायांकन एवं निर्देशन गरेका हुन्।
कलेजो प्रत्यारोपण सर्जन भण्डारी गीत गाउन र गिटार बजाउन शौखिन छन्। यसअघि उनले 'तिम्रो नै माया लाग्छ नि..' , 'निलो आकाश' लगायतका गीत बजारमा ल्याइसकेका छन्।
