गायक हेमन्त शर्माको स्वरमा नयाँ गीत सार्वजनिक भएको छ।
उनले आफ्नो युट्युब च्यानलमार्फत 'धर्तीमाथि जून' बोलको सार्वजनिक गरेका हुन्। गायनमा उनलाई बिन्दु शर्माले साथ दिएकी छन्।
दीपक शर्माको शब्द तथा संगीत रहेको गीतमा संगीत संयोजन नरेन्द्र बियोगीले गरेका छन्। गीतको मिक्सिङ तथा मास्टरिङ श्याम स्वेत रसाईलीले गरेका हुन्।
मौसम हिमालीले निर्देशन गरेको म्युजिक भिडिओमा अभिनेता अनुप विक्रम शाही र कविता नेपालीलाई देख्न सकिन्छ। उनीहरूले पहिलोपटक सहकार्य गरेका हुन्।
नवराज उप्रेतीले छायांकन गरेको म्युजिक भिडिओलाई सम्पादन अमृत चापागाईंले गरेका छन्।
