भारतीय रियालिटी शो 'इन्डियन आइडल १४' मा सहभागी भएकी मेनुका पौडेलले बलिउड फिल्ममा गीत गाउने भएकी छन्।
उनले अभिनेता सञ्जय मिश्राको फिल्म 'कर्मा मिट्स किस्मत' गीत गाउने छिन्। गीताञ्जली सिन्हाको निर्देशन रहेको फिल्ममा मेनुकासँगै बलिउड गायक सोनू निगम र साधना सरगमले पनि गीत गाउनेछन्।
मेनुकाको आवाजमा इमानदारी र पवित्रता भएकोले उनलाई आफ्नो फिल्ममा गीत गाउन लगाइएको गीताञ्जलीले बताएकी छन्। भारतीय सञ्चारमाध्यम दैनिक भास्करको अनुसार मेनुकालाई फिल्ममा गीत गाउन पाउँदा भाग्यमानी थानेकी छन्। उनलाई गीत रेकर्ड गर्नेक्रममा उर्जा र उत्साहित बनाएको बताइन्।
फिल्ममा संजयसँगै फरीदा जलाल, अलका अमीन, अम्मान खान, वैष्णवी म्याडडोनाल्डलगायत कलाकारको अभिनय रहनेछ।
केही समयअघि उनले प्रभास अभिनीत फिल्म 'सलार' मा 'सुरज हि छाहो बन्के' बोलको गीत गाएकी थिइन्। उनको गीतलाई दर्शकले खुब रूचाएका थिए।
