भारतीय अभिनेता अक्षय कुमारले क्रिसमसको अवसर पारेर आफ्ना फ्यानहरूलाई सरप्राइज दिएका छन्।
बिहीबार उनले आफ्नो प्रतीक्षित फिल्म 'वेलकम टु द जंगल' को प्रोमो भिडिओ सार्वजनिक गर्दै फिल्म सन् २०२६ मा रिलिज हुने आधिकारिक घोषणा गरेका हुन्।
सामाजिक सञ्जालमा भिडिओ सेयर गर्दै अक्षयले क्रिसमसको शुभकामना समेत दिएका छन्। साथै दर्शकहरूलाई यो फिल्म उपहारस्वरूप दिन आतुर रहेको बताएका छन्।
सार्वजनिक प्रोमोमा अक्षयसँगै सुनील शेट्टी, अर्शद वारसी, जोनी लिभर, रविना टण्डन, ज्याकलिन फर्नान्डेजलगायत कलाकारहरूको झलक देख्न सकिन्छ।
'वेलकम टु द जंगल' अहमद खानद्वारा निर्देशित फिल्म हो। यसअघि फिल्म निर्माण रोकिने चर्चा चले पनि निर्माताहरूले ती सबै अफवाहको खण्डन गर्दै फिल्म सन् २०२६ मै हलमा आउने स्पष्ट पारेका हुन्।
यद्यपि, वर्षको कुन मितिमा रिलिज हुने भन्नेबारे सार्वजनिक गरिएको छैन।
-1746009348.jpg)
