रणवीर सिंह, अक्षय खन्ना लगायतको अभिनय रहेको बलिउड फिल्म 'धुरन्धर' ले प्रदर्शनको तेस्रो सातामा पनि राम्रो कमाइ गरिरहेको छ।
तेस्रो साताको आइतबार मात्रै फिल्मले भारतमा ३८ करोडभन्दा माथिको व्यापार गरेको ट्रेड वेबसाइट स्याकनिल्कको अनुमान छ। योसँगै १७ औं दिनसम्म भारतमा फिल्मको कुल नेट कमाइ ५५५.७ करोड भारू पुगेको भारतीय संचारमाध्यमले जनाएका छन्।
अब 'धुरन्धर' भारतमा धेरै कमाउने भारतीय फिल्महरूको सूचीमा दशौं स्थानमा आइपुगेको हिन्तुस्तान टाइम्सले जनाएको छ। फिल्मले रणवीर कपूर अभिनीत 'एनिमल' को भारतको लाइफटाइम कमाइलाई पछि पार्दै १० औं स्थान बनाएको हो।
'एनिमल' ले भारतमा लाइफटाइम रूपमा ५५३ करोड भारू कमाएको थियो। आदित्य धर निर्देशित जासूसी थ्रिलर 'धुरन्धर' डिसेम्बर ५ मा रिलिज भएको थियो। फिल्ममा रणवीर र अक्षयसहित अर्जुन रामपाल, संजय दत्त, आर माधवन लगायतले अभिनय गरेका छन्। नेपालमा समेत फिल्मले आक्रामक कमाइ गरिरहेको छ।
यी हुन् भारतीय बक्स अफिसमा धेरै कमाउने शीर्ष १० भारतीय फिल्महरू
१. पुष्पा २ (१२३४.१ करोड भारू)
२. बाहुबली २ (१०३०.४२ करोड भारू)
३. केजीएफः च्याप्टर २ (८५९.७ करोड भारू)
४.आरआरआर (७८२.२ करोड भारू)
५. कल्की २८९८ एडी (६४६.३१ करोड भारू)
६.जवान (६४०. २५ करोड भारू)
७. कान्ताराः च्याप्टर १ (६२२.४२ करोड भारू)
८. छावा (६०१.५४ करोड भारू)
९.स्त्री २ (५९७.९९ करोड भारू)
१०. धुरन्धर (५५५.७ करोड भारू)
-1746009348.jpg)
