चर्चित भारतीय कमेडियन कपिल शर्मा अभिनीत फिल्म 'किस किसको प्यार करूँ २' बक्स अफिसमा कमजोर देखिएको छ।
शुक्रबारदेखि प्रदर्शनमा आएको उक्त कमेडी ड्रामाले अपेक्षित ओपनिङ गर्न नसकेको हो। भारतीय ट्रेड वेबसाइट स्याकनिल्कका अनुसार फिल्मले रिलिजको दुई दिनमा जम्मा ३.९९ करोड भारू नेट कमाइ गरेको छ।
फिल्मले पहिलो दिन १.८५ करोड र दोस्रो दिन २.१४ करोड कमाएको हो। यसअघिको भाग 'किस किसको प्यार करूँ' ले दुई दिनमै १८.८ करोड भारू कमाएको थियो।
सन् २०१५ मा रिलिज पहिलो भागको तुलनामा दोस्रो भाग निकै पछाडि देखिएको छ।
अनुकल्प गोस्वामीद्वारा निर्देशित 'किस किसको प्यार करूँ २' मा कपिल शर्मासँगै मन्जोत सिंह, हीरा वारिना, त्रिधा चौधरी, पारूल गुलाटी, आयशा खानलगायत कलाकारहरूको अभिनय छ।
विश्वव्यापी प्रदर्शनमा आएको यो फिल्म नेपालमा भने रिलिज भएको छैन।
-1763886130.jpeg)
-1746009348.jpg)
