भारतीय अभिनेता रणवीर सिंह अभिनीत जासुसी फिल्म 'धुरन्धर' ले बक्स अफिसमा राम्रो सुरूआत गरेको छ। शुक्रबारको राम्रो ओपनिङपछि शनिबार फिल्मको कमाइमा अझ वृद्धि भयो।
फिल्मले पहिलो दिन भारतमा २७ करोड भारतीय रूपैयाँ नेट कमाइ गरेको थियो। शनिबार फिल्मले ३१ करोड कमाउँदै दुई दिनमा फिल्मको कुल नेट कमाइ ५८ करोड भारू पुगेको छ।
‘धुरन्धर’ ले रणवीरको अगाडिको फिल्म 'सर्कस' को कुल लाइफटाइम कमाइ दुई दिनमै पछि पारेको छ। उक्त फिल्मले ३५.८० करोड भारतीय रूपैयाँ कमाएको थियो। साथै, यसले रणवीरका हिट फिल्महरू 'सिम्बा' र 'पद्मावत' को ओपनिङ कमाइलाई पनि उछिनेको छ। यही रफ्तार कायम रहेमा फिल्मले पहिलो सप्ताहन्तमा ९० करोड कमाउने अनुमान गरिएको छ।
आदित्य धरले निर्देशन गरेको यो 'स्पाई थ्रिलर' सत्य घटनामा आधारित रहेको बताइएको छ। यसको कथा सन् २००० को दशकको सुरूआती समयमा सेट गरिएको छ। फिल्ममा रणवीरले पाकिस्तानमा घुसपैठ गर्ने भारतीय जासुसको भूमिका निर्वाह गरेका छन्।
फिल्ममा रणवीरसहित अक्षय खन्ना, सञ्जय दत्त, अर्जुन रामपाल, आर माधवन लगायतको पनि अभिनय छ।
विश्वव्यापी प्रदर्शनमा आएको फिल्म नेपालमा समेत एकसाथ रिलिज भएको हो। नेपालमा पनि फिल्मले राम्रो प्रदर्शन गरिरहेको छ।
-1763886130.jpeg)
-1746009348.jpg)
