बलिउड तथा हलिउड अभिनेत्री प्रियंका चोपडा यतिबेला मुम्बईमा आफ्नो भाइ सिद्धार्थ चोपडाको विवाहमा सामेल हुन् आएकी छन्।
उनले हालै एक अन्तर्वार्तामा निक जोनससँग आफ्नो विवाहको बारेमा कुराकानी गरेकी छन्। 'सुरूवातमा मलाई निकसँग विवाह गर्न संकोचित लागिरहेको थियो। मलाई यस्तो केटा चाहिएको थियो, जो परिवार बनाउन चाहन्छ। निक त्यतिबेला २५ वर्षको थियो र म ३५ वर्षकी थिए। मैले त्यतिबेला सोचे कि सायद अहिले यो कुरा सोच्ने बेला भएको छैन।'
उनले थप्दै भनिन्, 'मलाई आफ्नो श्रीमानमा पाँच गुण चाहिएको थियो। यसमा इमानदारी थियो, किनकी मेरो पछिल्लो सम्बन्धमा बेइमानीबाट दु:ख भएको थियो। दोस्रो परिवारको महत्त्व बुझ्ने। तेस्रो आफ्नो काममा गम्भिरता, चौथो क्रिएटिभ र मसँग ठूला ठूला सपना देख्योस् र पाँचौं मलाई कुनै यस्तो मान्छेको जरूरत थियो जसमा मेरो जस्तो जज्बा होस्। यदी निकमा यी कुनै पनि गुण हुँदैन थियो भने म विवाह गर्दिन थिएँ।'
प्रियंका र निकले १ डिसेम्बर २०१८ मा विवाह गरेका थिए। उनीहरूले क्रिश्चियन र हिन्दू परम्परा अनुसार विवाह गरेका थिए।
