बलिउड अभिनेता शाहरूख खान र नयनताराको फिल्म 'जवान' को दोस्रो गीत सार्वजनिक भएको छ।
सोमबार रेड चिलीज इन्टरटेनमेन्ट युट्युब च्यानलमार्फत फिल्ममा समावेश 'चलेया' बोलको गीत सार्वजनिक गरिएको हो। यसअघि फिल्मको 'जिन्दा बन्दा' बोलको गीत सार्वजनिक भएको थियो।
फराह खानले कोरियोग्राफी गरेको 'चलेया' बोलको रोमान्टिक गीतमा शाहरूख खान र नयनतारालाई देख्न सकिन्छ। गीतमा अरिजित सिंह र शिल्पा रावले स्वर दिएका छन्।
कुमारको शब्द रहेको गीतमा अनिरूद्ध रविचन्दरले संगीत भरेका छन्।
एटली कुमारले निर्देशन गरेको फिल्ममा शाहरूख खान, नयनतारा, विजय सेतुपथी, दीपिका पादुकोणलगायत कलाकारको अभिनय छ। फिल्ममा गौरी खानको लगानी छ।
फिल्ममा शाहरूख डबल रोलमा देखिनेछन् भने नयनतारा पुलिस अफिसरको भूमिकामा देखिनेछिन्। फिल्ममा दीपिका अतिथि भूमिकामा देखिन लागेकी हुन्।
जिके विष्णुले छायांकन गरेको फिल्मलाई रूबेनले सम्पादन गरेका छन्। हिन्दी, तमिल, तेलुगु भाषामा फिल्म ७ सेक्टेम्बरदेखि प्रदर्शन हुनेछ।
