दक्षिण भारतीय फिल्म 'प्रोजेक्ट के' को पोस्टर सार्वजनिक भएको छ।
निर्माण टिमले फिल्मका कलाकारको पोस्टर सार्वजनिक गरिरहेका छन्। मंगलबार दीपिका पादुकोणको पोस्टर सार्वजनिक गरिएको थियो भने बुधबार प्रभासको।
प्रभासको पोस्टर सार्वजनिक भएसँगै ट्रोल भइरहेका छन्। फिल्ममा उनको लुक्स हलिउड फिल्म 'आयरन म्यान' सँग मिल्दोजुल्दो रहेको बताइएको छ।
एक सामाजिक सञ्जाल प्रयोगकर्ताले प्रभास र आयरन म्यानको तस्बिर सेयर गर्दै लेखेका छन्, 'यी दुई तस्बिरमा के फरक छ? यो पोस्टर देखेर निकै दुःख लागिरहेको छ। प्रभास 'आयरन म्यान' को सस्तो कपि देखिएका छन्।'
'भारतीय फिल्ममा आयरन म्यान!,' अर्का सामाजिक सञ्जाल प्रयोगकर्ताले लेखेका छन्।
नाग अश्विनले निर्देशन गर्ने फिल्ममा प्रभास र दीपिकासँगै अभिताभ बच्चन र कमल हसनको मुख्य भूमिका छ। फिल्मको बजेट ५०० करोड भारू रहेको बताइएको छ।
यस फिल्ममार्फत अमिताभ बच्चन र कमल हसन ३८ वर्षपछि एकसाथ काम गर्दैछन्। उनीहरूले सन् १९८५ मा फिल्म ‘गिरफ्तार’ मा एकसाथ काम गरेका थिए।
