दक्षिण भारतीय अभिनेता प्रभास, कृति सेनन, सैफ अली खान अभिनीत फिल्म 'आदिपुरुष' प्रदर्शनअघि देखिनै विवादमा फसिरहेको छ।
फिल्मको टिजर सार्वजनिक भएसँगै प्रशंसाभन्दा धेरै आलोचना भयो। फिल्ममा प्रयोग गरिएको भिएफएक्सका कारण धेरैले यसलाई कार्टुन, एनिमेसदेखि भिडिओ गेमसम्म भने।
भिएफएक्सको गुणस्तर राम्रो नभएकाले यसमा पात्रका अनुहार, शरीरदेखि सबैजसो दृश्य एकदमै नक्कली लागेको टिप्पणी भएको थियो। सस्तो भिएफएक्समा फिल्म बनाएको भन्दै आदिपुरुषका निर्माण टोलीको आलोचना समेत भएको थियो। यसैबीच निर्माण टिमले पुनः भिएफएक्स गर्न फिल्मको प्रदर्शन मिति सारेका थिए।
ओम राउतले निर्देशन गरेको फिल्म असार १ गतेदेखि प्रदर्शन भइरहेको छ। फिल्म प्रदर्शनपछि पनि विवाद रोकिएको छैन। रामायण कथामा आधारित फिल्ममा 'टपोरी' संवाद प्रयोग गरिएको भन्दै चर्काे आलोचना भइरहेको छ।
यसैबीच निर्माण टिमले फिल्मका चार संवाद परिवर्तन गरेका छन्। भारतीय सञ्चारमाध्यम इन्डियन एक्सप्रेसका अनुसार फिल्ममा समावेशी चार विवादित संवाद परिवर्तन गरिएको हो।
यस्तो छ परिर्वतन गरिएको संवादः
पहिले- तू अन्दर कैसे घुसा... तू जानता भि है कौन हूं मैं
अहिले- तुम अन्दर कैसे घुसे... तुम जानते भी हो कौन हूं मैं
पहिले- कपडा तेरे बाप का.. तो जलेगी भि तेरे बाप की
अहिले- कपडा तेरी लंका का... तो जलेगी भि तेरी लंका
पहिले- जो हमारी बहनो.. उनकी लंका लगा देंगे
अहिले- जो हमारी बहनो... उनकी लंका में आग लगा देंगे।
पहिले- मेरे एक सपोले ने तुम्हारे इस शेषनाग को लंबा कर दिया
अहिले- मेरे एक सपोले ने तुम्हारे इस शेषनाग को समाप्त कर दिया है
