'बाहुबली' अभिनेत्री तमन्ना भाटिया र बलिउड अभिनेता विजय वर्मा प्रेम सम्बन्ध रहेको चर्चा छ।
नयाँ वर्षको अवसरमा गोवामा गरिएको एक पार्टीमा उनीहरू एकसाथ देखिएका थिए। उक्त पार्टीपछि उनीहरू प्रेम सम्बन्धमा रहेको चर्चा चलेको हो।
हालै तमन्नाले आफू विजयसँग प्रेम सम्बन्धमा रहेको कुरा स्वीकार गरेकी छन्।
एक अन्तर्वार्तामा उनले भनिन्, 'तपाई सह-कलाकार भएको कारण कसैप्रति आकृर्षित हुनुहुन्न। कोही सह-कलाकार कसैलाई मन पराउँछ र प्रेम महसुस गर्छ भने खास हुन्छ। यो कुरालाई कसैले मतलब गर्दैन कि ऊ के गर्छ।'
उनले विजयको बारेमा कुरा गर्दै भनिन्, 'हो उहाँ मेरो लागि निकै खास छन्। उहाँ र मेरो सम्बन्ध अर्गानिक छ। उहाँ यस्तो व्यक्ति हो जसको म चिन्ता लिन्छु र उहाँको साथमा खुशी हुन्छु।'
तमन्ना र विजयको भेट वेब सिरिज 'लस्ट स्टारिज' को सेटमा भएको थियो। उनीहरू अब 'लस्ट स्टोरिज २' मा एकसाथ देखिनेछन्। केही दिनअघि यस सिरिजको टिजर सार्वजनिक गरिएको छ।
तमन्नाले दक्षिण भारतीयसँगै बलिउड फिल्ममा काम गरेकी छन्। यसै वर्ष तमन्ना अभिनीत 'प्लान ए प्लान बि' र 'बब्ली बाउन्सर' ओटिटीमा प्रदर्शन भएको थियो।
विजयले ओटिटीमा प्रदर्शन भएको फिल्म 'डार्लिङ' मा अभिनय गरेका थिए। यो फिल्मलाई दर्शकले रूचाएका थिए।
