बलिउड अभिनेत्री काजोलको डेब्यू वेब सिरिज 'द ट्रायलः प्यार कानून धोका' को ट्रेलर सार्वजनिक भएको छ।
सोमबार डिज्नी प्लस हटस्टार युट्युब च्यानलमार्फत सिरिजको ट्रेलर सार्वजनिक गरिएको हो। यो कोर्ट रूम ड्रामा सिरिज हो।
सिरिजमा काजोलले वकिल नायोनिका सेनगुप्ताको भूमिका निर्वाह गरेकी छन्। उनीसँगै अभिनेता जीसू सेनगुप्ताको पनि मुख्य भूमिका छ। उनले सिरिजमा काजोलको श्रीमान एडिशनल वकिल राजिव सेनगुप्ताको भूमिका निर्वाह गरेका छन्।
सिरिजमा राजिव सेनगुप्ताको अपराधिक गतिविधि सार्वजनिक भएसँगै उनका सम्पति जफत गरिन्छ। त्यसपछि नायोनिकाले आफ्नो बच्चालाई सम्हाल्छिन् र उनी वकालत गर्न सुरू गर्छिन्।
यो सिरिज डिज्नी प्लस हटस्टारबाट १४ जुलाईमा प्रदर्शन हुनेछ।
