सन् १९८३ मा सुपरहिट भएको बलिउड फिल्म 'मासुम' को सिक्वेल बन्ने भएको छ।
फिल्मलाई निर्देशक शेखर कपूरले निर्देशन गर्न लागेका हुन्। निर्देशक कपुरले फिल्मको सिक्वेल बन्ने पुष्टि गरेका छन्।
उनले भारतीय सञ्चारमाध्यम ईटाइम्ससँग कुराकानी गर्दै भने, 'हो म मासूमको सिक्वेल निर्देशन गर्दैछु। तर फिल्मको बारेमा बाँकी जानकारी केही समयपछि दिन्छु।'
'मासूम' मा इन्दु र डिकेको कहानी देखाइएको छ। उनीहरू दुई छोरी पिंकी र मिन्नीसँग दिल्लीमा बस्छन्। विवाहोत्तर सम्बन्धका कारण जन्मिएको छोरा राहुलको प्रवेश भएपछि आउने उतारचढाबलाई फिल्ममा देखाइएको छ।
फिल्ममा नसीरूद्दीन शाह, शबाना आजमी, उर्मिला मातोन्डकर, तनुजा, सुप्रिया पाठकलगायत कलाकारको अभिनय थियाे।
यसै फिल्मबाट शेखर कपूरले निर्देशनमा डेब्यू गरेका थिए। दर्शकले यस फिल्मलाई निकै रूचाएका थिए।
निर्देशक शेखरले हलिउड फिल्म 'एलिजाबेथ' र 'एलिजाबेथः द गोल्डन ऐज' निर्देशक गरेका छन्। उनले अस्कर अवार्ड समेत पाएका छन्।
