बलिउड अभिनेता रणवीर कपूर अभिनीत फिल्म 'एनिमल' को प्रि-टिजर सार्वजनिक भएको छ।
आइतबार टि-सिरिज युट्युब च्यानलमार्फत फिल्मको प्रि-टिजर सार्वजनिक गरिएको हो। ५० सेकेन्डको टिजरमा रणवीरको एक्सन सिन समेटिएको छ।
उक्त भिडिओमा फिल्मको टिजर छिट्टै सार्वजनिक गर्ने बताइएको छ।
सन्दीप रेड्डी वांगाले निर्देशन गरेको फिल्ममा रणवीरसँगै रश्मिका मन्दना, बबी देओल, अनिल कपूरको मुख्य भूमिका छ। फिल्ममा रश्मिका रणवीरकी श्रीमतीको भूमिकामा देखिनेछिन् भने अनिल कपूर उनको बुवाको भूमिकामा देखिनेछन्। फिल्मको कथा निर्देशक सन्दीपले नै तयार पारेका हुन्।
फिल्ममा भुषण कुमार, प्रणय रेड्डी वांगा, मुरद खेतानी र कृष्ण कुमारको लगानी रहेको छ।
यो फिल्म हिन्दी, तमिल, तेलुगु, मलयालम र कन्नड भाषामा ११ अगस्टदेखि प्रदर्शन हुनेछ।
