बलिउड अभिनेता सलमान खानको फिल्म 'टाइगर ३' को छायांकन भइरहेको छ।
यस फिल्ममा अभिनेता शाहरूख खान केमियो भूमिका देखिदैछन्। यसअघि सलमान र शाहरूख फिल्म 'पठान' मा एकसाथ देखिएका थिए। यी दुवै यशराज फिल्म्सको स्पाइ युनिभर्सको फिल्म हो।
हालै 'टाइगर ३' सेटबाट सलमान र शाहरूखको भिडिओ बाहिरिएको छ। उक्त भिडिओमा दुवै अभिनेताको अनुहारमा चोटको निशान देखिएको छ। उनीहरूले एक्सन सिन गरेर फर्किएको भिडिओ सामाजिक सञ्जालमा भाइरल भएको हो।
मनिष शर्माले निर्देशन गरिरहेको फिल्म 'टाइगर ३' मा अभिनेत्री कट्रीना कैफ र इमरान हासमीको पनि मुख्य भूमिका रहनेछ।
यो फिल्म हिन्दी, तमिल र तेलुगुमा प्रदर्शन हुनेछ। सन् २०१२ मा सलमान र कट्रीनाको फिल्म 'एक था टाइगर' र त्यसपछि सन् २०१७ 'टाइगर जिन्दा है' प्रदर्शन भएका थिए।
'टाइगर ३' पछि सलमान र शाहरूख 'टाइगर भर्सेस पठान' मा देखिनेछन्।
