७६ औं कान्स फिल्म फेस्टिभलमा बलिउड अभिनेत्री ऐश्वर्या राय बच्चन सहभागी भएकी छन्।
फ्रान्सको रिभेरिया सहरमा भइरहेको फेस्टिभलमा उनी सिल्भर र ब्ल्याक गाउन लगाएर पुगेकी थिइन्। सामाजिक सञ्जालमा उनको लुक भाइरल भइरहेको छ।
सामाजिक सञ्जाल प्रयोगकर्ताले उनको पहिरनको तुलना गिफ्ट र्यापसँग गरिरहेका छन्। केही व्यक्तिले उनलाई फिल्म 'कोइ मिल गया' को 'जादू' जस्तै देखिएको बताएका छन्।
ऐश्वर्या लगातार २१ वर्षदेखि कान्स फिल्म फेस्टिभलमा सहभागी भइरहेकी छन्। उनले सन् २००२ मा कान्समा डेब्यू गरेकी थिइन्। फिल्म 'देवदास' को सफलतापछि उनी पहिलो पटक शाहरूख खान र निर्देशक सञ्जय लीला भन्सालीसँग कान्समा सहभागी भएकी थिइन्।
