बलिउड अभिनेता विक्की कौशल र सारा अली खान अभिनीत फिल्म 'जरा हटके जरा बचके' को ट्रेलर सार्वजनिक भएको छ।
सोमबार म्याडडक फिल्म्स युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा विक्की र सारा श्रीमान-श्रीमतीको भूमिकामा देखिएका छन्। जो सम्बन्ध विच्छेद गर्न चाहन्छन्।
लक्ष्मण उतेकरले निर्देशन गरेको फिल्ममा दिनेश भिजान र ज्योति देशपान्डेको लगानी छ। फिल्मको कथा मैत्री बाजपाई, रामिज इहाम खान र लक्ष्मण उतेकरले तयार पारेका हुन्।
यो फिल्मलाई मनिष प्रधानले सम्पादन गरेका हुन्। फिल्म जुन २ देखि प्रदर्शन हुनेछ।
यस फिल्ममा सारा र विक्की पहिलो पटक एकसाथ देखिँदैछन्।
