बलिउड अभिनेत्री सोनाक्षी सिन्हाको डेब्यू वेब सिरिज 'दहाड' को ट्रेलर सार्वजनिक भएको छ।
बुधबार प्राइम भिडिओ इन्डिया युट्युब च्यानलमार्फत सिरिजको ट्रेलर सार्वजनिक गरिएको हो। सार्वजनिक ट्रेलरमा सोनाक्षी २७ जना युवती हत्याको केसलाई समाधान गर्ने प्रयासमा छिन्। सिरिजमा उनी प्रहरी अन्जली भाटीको भूमिकामा देखिएकी छिन्।
क्राइम ड्रामा सिरिजमा सोनाक्षी सिन्हा, विजय वर्मा, गुलशन देवैया, सोहम शाहलगायत कलाकारको अभिनय छ।
यस वेब सिरिजलाई रीमा कागती र रूचिका ओवरायले निर्देशन गरेका हुन्।
८ एपिसोडको वेब सिरिज अमेजन प्राइममा १२ मेदेखि प्रदर्शन हुनेछ। सोनाक्षी पछिल्लो समय ‘डबल एक्सएल’ फिल्ममा देखिएकी थिइन्।
