यतिबेला बलिउड तथा हलिउड अभिनेत्री प्रियंका चोपडा चर्चामा छिन्।
उनले बलिउडमा राजनीति हुने बारे बताएकी थिइन्। भारतीय सञ्चारमाध्यम नवभारत टाइम्सका अनुसार उनले आफ्नो सफलताले पुरूष असुरक्षित महसुस गर्ने बताएकी छन्।
‘मेरो जीवनमा यस्तो पुरूष पनि छन् जो मेरो सफलताबाट खुशी छन्। तर यस्ता पुरूष पनि छन् जो मेरो सफलताबाट असुरक्षित महसुस गर्छन्। त्यसैले मलाई लाग्छ पुरूषले स्वतन्त्रताका साथ आफ्नो जिन्दगी जिएका छन्। उनीहरूले परिवारको मुख्य हुनुको आनन्द लिएका छन्। फिल्मी क्षेत्र उनीहरूको लागि खतरा छ। त्यसैले एक महिला धेरै सफल भइन् पुरूषहरू सुरक्षित महसुस गर्दैनन्,’ उनले भनिन्।
प्रियंका अभिनीत स्पाइ-थ्रिलर वेब सिरिज ‘सिटाडेल’ प्रदर्शन हुँदैछ।
यो वेब सिरिजको लगानी ३०० मिलियन डलर (२५०० करोड भारू) बताइएको छ। सिरिजमा प्रियंकासँगै रिचर्ड म्याडेन, स्टेनली टुकी, लेस्ली म्यानविल, ओसी इखिलेलगायत कलाकारको अभिनय छ।
रुसो ब्रदर्सले निर्देशन गरेको सिरिज अमेजन प्राइममा ६ एपिसोड प्रदर्शन हुनेछ। सिरिजको पहिलो दुई एपिसोड २८ अप्रिलमा सार्वजनिक गरिनेछ भने २६ मेदेखि हरेक हप्ता नयाँ एपिसोड प्रदर्शन गरिनेछ।
योसँगै प्रियंका बलिउड फिल्म ‘जीले जरा’ मा देखिनेछिन्।
