सतीश कौशिकको निर्देशनमा बनेको फिल्म 'तेरे नाम' बाट अभिनेता सलमान खानले निकै चर्चा कमाएका थिए।
केही समयअघि सलमानले सतीशसँग यस फिल्मको सिक्वेलको बारेमा चर्चा गरका थिए। सलमानका अनुुसार सतीशले फिल्मको स्क्रिप्ट लेख्न सुरू गरिसकेका थिए।
यस फिल्मको काम सुरू नभई सतीश कौशिकको मृत्यु भयो। हालै सलमानले टाइम्स अफ इन्डियासँग कुराकानी गर्दै भने, ‘सतीशले एक लाइनमै फिल्मको पूरा प्लट सम्झाइदिएका थिए। तर यो फिल्मको सिक्वेल बनाउन नपाई उनी बिते।’
यस फिल्मलाई पहिला अनुराग कश्यपले निर्देशन गर्ने बताइएको थियो। अनुरागले सलमानलाई कपाल पाल्ने सल्लाह दिएका थिए। फिल्मको अभिनेता युपीको भएको हुँदा उनले कपाल पाल्ने सल्लाह दिएका थिए। तर सलमानलाई उनको सल्लाह मन परेन।
भारतीय सञ्चारमाध्यम दैनिक जागरणका अनुसार सलमानले त्यतिबेला केही नभने पनि अर्काे दिन निर्देशक परिवर्तन गरेका थिए।
‘तेरे नाम’ तमिल फिल्म ‘सेतु’ को हिन्दी रिमेक हो। यसै फिल्मबाट भूमिका चावलाले बलिउडमा डेब्यू गरेकी थिइन्।
