अभिनेत्री साम्राज्ञी राज्यलक्ष्मी शाहले मंगलबार आफ्ना फ्यान तथा शुभचिन्तकलाई सरप्राइज दिइन्।
उनले इन्स्टाग्राममार्फत केही तस्बिरहरू सार्वजनिक गर्दै आफूले इन्गेजमेन्ट गरेको खबर सार्वजनिक गरिन्। पोस्टमा उल्लेख गरिएअनुसार उनले सोमबार इन्गेजमेन्ट गरेकी हुन्।
उनले कोसँग इन्गेजमेन्ट गरेको भनेर आफ्नो पोस्टमा केही खुलाएकी छैनन्। मात्र 'एस एन्ड बी' ह्यासट्याग उल्लेख गरेकी छिन्।
उनले इन्गेजमेन्ट गरेका व्यक्ति विशाल खरेल हुन्। अमेरिकामा बस्दै आएका विशाल कलाकारसमेत हुन्। उनले फिल्म र म्युजिक भिडिओमा समेत अभिनय गरेका छन्।
उनले फिल्म 'प्रेम दिवस' मा शीर्ष भूमिकामा अभिनय गरेका छन्। त्यस्तै, साम्राज्ञीसँग विशालले 'हारेँ हारेँ' र 'मालती' शीर्षकका गीतको म्युजिक भिडिओमा सहकार्य गरेका छन्। म्युजिक भिडिओमा सहकार्यकै क्रममा उनीहरू निकट भएको बताइन्छ।
साम्राज्ञीले इन्गेजमेन्टका तस्बिरसँगै प्रेमिल पोस्टसमेत गरेकी छिन्। सार्वजनिक तस्बिरहरूमा उनी निकै खुसी देखिएकी छिन्। उनको पोस्टमा थुप्रै सेलिब्रेटीहरूले समेत बधाई दिइरहेका छन्।
'ड्रिम्स' बाट अभिनेत्रीका रूपमा उदाएकी साम्राज्ञीले एक दर्जनभन्दा बढी फिल्ममा अभिनय गरेकी छिन्। उनी पछिल्लो समय फिल्म 'वर एण्ड बधू' मा देखिएकी थिइन्।
-1746009348.jpg)
