फिल्म 'ऊनको स्वीटर' ले बक्स अफिसमा आक्रामक कमाइ गरेको छ।
वैशाख २६ गते रिलिज फिल्मले ७ दिनमा नेपालमा ५ करोड ७५ लाख रूपैयाँ ग्रस कलेक्सन गरेको निर्माता कम्पनी आर्टमाण्डुले जनाएको छ। काठमाडौं र मोफसलमा हलमा गरेर फिल्मले उक्त कमाइ गरेको हो।
निर्माण घोषणादेखि नै चर्चामा रहेको फिल्मको टिजर, ट्रेलर र गीत–संगीतले दर्शकमाझ राम्रो ‘हाइप’ बनाएको थियो।
म्युजिकल फिल्ममार्फत दर्शकको मन जितेको आर्टमाण्डुको यो पहिलो फिल्म हो। कथानक गीतबाट दर्शकको मन जितेका कारण पनि आर्टमाण्डुको यो फिल्मलाई लिएर दर्शकहरू पहिल्यैदेखि उत्साहित थिए।
विपीन कार्की, मिरूना मगर, एलेक्स पारस, परीक्षा लिम्बु,विल्सन विक्रम राई, सुनील पोखरेल, माओत्से गुरूङ लगायत कलाकारहरू अभिनीत फिल्मलाई नवीन चौहानले निर्देशन गरेका हुन्।
फिल्म हेरेका दर्शकले यसको प्रशंसा गरिरहेका छन्। यो फिल्म शुक्रबारदेखि प्रदर्शनको दोस्रो सातामा प्रवेश गरेको छ।
