बाबु शाहेब बलामीको निर्देशनमा फिल्म 'तुलसीराम' बन्ने भएको छ।
बुद्ध जयन्तीको अवसर पारेर फिल्म 'तुलसीराम' निर्माण घोषणा गरिएको हो। फिल्म आगामी जेठको अन्तिम साताबाट छायांकनमा जाने निर्माण पक्षले जानकारी दिएको छ। फिल्मको छायांकन काठमाडाैं, चित्लाङ र हेटौडाको विभिन्न ठाउँमा छायांकन गरिनेछ।
एल आरआरको ब्यानरबाट निर्माण हुन् लागेको फिल्मका निर्माता बाबु शाहेब बलामी हुन्। फिल्मको कथा बलामीकै छ भने लेखन शंकर अधिकारी घायलको हो।
फिल्मको कार्यकारी निर्माता तथा द्वन्द्व निर्देशक देव महर्जनको रहने छ भने फिल्ममा विकास चौधरी र शंकर कृष्ण घायलको संगीत रहनेछ।
पछिल्लो समयका चल्तीका कलाकारहरू राखेर निर्माण हुन् लागेको फिल्ममा पारिवारिक कथालाई जोड दिइनेछ। तुलसी र रामको कथालाई विशेष प्राथमिकता दिएर अगाडी बढाउने निर्माण पक्षले जानकारी दिएको छ।
