विपिन कार्की र मिरूना मगर अभिनीत फिल्म 'ऊनको स्वीटर' को काठमाडौंमा भव्य प्रिमियर गरिएको छ।
कमलपोखरीस्थित बिग मुभिजमा बुधबार बेलुका आयोजित प्रिमियरमा फिल्मकर्मी, सञ्चारकर्मी, राजनीतिज्ञसहित अन्य क्षेत्रका व्यक्तिहरूको समेत उपस्थिति थियो।
उपसभामुख इन्दिरा राना मगर, राप्रपाका अध्यक्ष लिङ्देन, सांसद सोबिता गौतम, विनीता कठायत, असिम शाह, कोसी प्रदेशका मुख्यमन्त्री हिक्मत कार्की, अभिनेता दयाहाङ राई, अभिनेत्रीहरू केकी अधिकारी, अञ्जना बराइली लगायत प्रिमियरमा फिल्म हेर्न हल पुगेका थिए।
'ऊनको स्वीटर' को टिमबाट प्रमुख कलाकारहरू विपिन कार्की, मिरूना मगर, परीक्षा लिम्बु, एलेक्स पारस, विल्सन विक्रम राई, कलाकारहरू सुरज तमु, भावना खपाङ्गी मगर, निर्देशक नवीन चौहानलगायत उपस्थित रहे।
प्रिमियरमा फिल्म हेरेर निस्किँदै गर्दा अधिकांशले खुलेर तारिफ गरे।
अधिकांशजले 'ऊनको स्वीटर' उत्कृष्ट र सुन्दर प्रेमकथा भएको प्रतिक्रिया दिए। प्राप्त प्रतिक्रियालाई लिएर निर्माण टिम पनि उत्साहित देखिएको छ।
निर्देशक नवीन चौहानले आफूलाई आएका आत्मीय प्रतिक्रियाहरू शब्दमा व्यक्त गर्न गाह्रो रहेको बताए।
यो फिल्ममा सुजन चापागाईं र झुमा लिम्बुको संगीत निर्देशनमा बनेका गीतहरूले चर्चा पाइरहेका छन्। सार्वजनिक टिजर र ट्रेलरलाई पनि दर्शकहरूले रूचाएका छन्।
म्युजिकल फिल्ममार्फत स्रोता/दर्शकको मन जितेको आर्टमाण्डु नेपाल प्रा.लि.को प्रस्तुतिमा 'ऊनको स्वीटर' बनेको हो। आर्टमाण्डुको यो पहिलो फिल्म हो।
शुक्रबारदेखि प्रदर्शनमा आउन लागेको 'ऊनको स्वीटर' देशभरका सिनेमा हलहरूले अग्रिम टिकट बिक्री सुरू गरिसकेका छन्। वितरक गोविन्द शाहीका अनुसार फिल्मले देशभर ३०० भन्दा बढी शो प्राप्त गरेको छ।
-1746678403.jpg)
-1746678403.jpg)
-1746678402.jpg)
-1746678402.jpg)
-1746678402.jpg)
-1746678400.jpg)
-1746678401.jpg)
-1746678400.jpg)
-1746678400.jpg)
-1746678400.jpg)
-1746678399.jpg)
-1746678399.jpg)
-1746678399.jpg)
-1746678398.jpg)
-1746678398.jpg)
-1746678398.jpg)
-1746678398.jpg)
-1746678398.jpg)
