सिमोस सुनुवारको निर्देशनमा बनेको फिल्म 'जन्ते बाख्रो' को गीत 'अंगुरको झुप्पो' सार्वजनिक गरिएको छ।
शुक्रबार सार्वजनिक यो गीतमा महेश काफ्ले र अस्मिता अधिकारीको स्वर छ। गीतको शब्द रचना तथा कम्पोज महेशकै हो भने रिकेश गुरुङको एरेञ्ज, मिक्सिङ्ग मास्टरिङ्ग छ।
यसको भिडिओमा फिल्मका मुख्य कलाकार आशिफ शाह र गरिमा शर्मा फिचर्ड छन्। आशिफले गीत मार्फत् गरिमाको तारिफ गरेर फकाउँदै गरेको भिडिओमा देखाइएको छ।
फिल्म 'जन्ते बाख्रो' मा सौगात मल्ल, रमा थपलिया, लोकेन्द्र लेखक, कमल देवकोटा, विशाल पहाडी, रूषा न्यौपाने, कुसुम शर्मा, स्नेहा जोशी, समापिका गौतम, कुशल गजमेर, संगीता शर्मा लगायत कलाकारहरूको अभिनय छ।
मुईन इन्टरटेनमेन्टको प्रस्तुति रहेको ‘जन्ते बाख्रो’ सामाजिक कमेडी कथावस्तुमा निर्माण भएको छ। फिल्मको निर्माता सन्तोष गौतम हुन् भने प्रदीप भारद्धाजको कथा, पटकथा र संवाद लेखन छ।
फिल्म आगामी जेठ २३ गतेबाट नेपाल र विदेशमा एकसाथ प्रदर्शनमा आउने तयारी छ।
भिडिओः
