जेठको ९ गतेबाट रिलिजमा आउन लागेको फिल्म 'नरसिंहा: अवतार' बाट अभिनेत्री नीति शाहको लुक्स सार्वजनिक गरिएको छ।
आइतबार निर्माण टिमले सार्वजनिक गरेको पोस्टरमा नीति मुस्कुराएकी छन्। यो पोस्टरले उनी फिल्ममा कसैको श्रीमती वा प्रेमिकाको रूपमा देखिन लागेको बुझ्न सकिन्छ। तर कुन पात्रसँग उनको जोडी बाँधिएको छ भन्ने खुलेको छैन।
यो फिल्मलाई लिएर नीति शाह निकै नै उत्साहित छिन्। उनले अभिनेता राजेश हमालसँग फिल्ममा काम गर्न पाउँदा आफू उत्साहित भएको र धेरै कुरा सिकेको पनि बताएकी छन्।
दिवाकर भट्टराइको लेखन तथा निर्देशनमा तयार भएको फिल्ममा राजेश हमाल, निर शाह, राज कटुवाल, प्रशान्त ताम्राकार, सरोज खनाल, उषा खड्गी, नीति शाह, सनिशा भट्टराई, दीपा शाही, रमेश चन्द सोडारी, राजिभ जंग बस्नेतलगायत कलाकारको अभिनय छ। यो फिल्ममा दीपक ढकाल, नरेन्द्र महर्जन, ध्रुव न्यौपाने, नेम महर्जनको लगानी छ।
राजु विक्रम थापाको छायांकन रहेको फिल्ममा चन्द्र पन्तको कथा, राजु लामाको एक्सन, शम्भुजित बाँस्कोटा र अर्जुन पोखरेलको संगीत, कविराज गहतराजको कोरियोग्राफी छ।
-1742801159.jpg)
