दिवाकर भट्टराई लिखित तथा निर्देशित फिल्म 'नरसिंहाः अवतार' को नयाँ पोस्टर सार्वजनिक भएको छ।
सार्वजनिक नयाँ पोस्टरमा फिल्मका मुख्य अभिनेता राज कटुवाल र अभिनेत्री सनिशा भट्टराईलाई स्थान दिइएको छ। सार्वजनिक पोस्टरले फिल्मभित्र राज र सनिशालाई जोडीको रूपमा हेर्न सकिने बुझ्न सकिन्छ। यो पोस्टरलाई राकेश दाहालले तयार पारेका हुन्।
फिल्ममा राजेश हमाल, सरोज खनाल, नीर शाह, राज कटुवाल, नीति शाह, सनिशा भट्टराई, प्रशान्त ताम्राकार, उषा खड्गी, रमेश चन्द सोडारी, राजिभ जंग बस्नेत, प्रकाश कुँवर, दीपा शाहीलगायत कलाकारको अभिनय छ।
दीपक शर्मा ढकाल, नरेन्द्र महर्जन, ध्रुव न्यौपाने र नेम महर्जनको लगानी रहेको फिल्ममा राजु विक्रम थापाको डीओपी, कविराज गहतराज र माइकल चन्दको कोरियोग्राफी, चन्द्र पन्तको कथा, राजु लामाको एक्सन, मिलन श्रेष्ठ र साहिल खानको सम्पादन, शम्भुजित बाँस्कोटा र अर्जुन पोखरेलको संगीत छ। करण सिंह प्रोडक्सन डिजाइनर रहेको यो फिल्मका एसोसियट निर्देशक बसन्त अधिकारी हुन्।
यो फिल्म जेठ ९ गतेदेखि प्रदर्शन हुँदैछ।
