टेलिभिजन कमेडी शो 'कमेडी नाइट विथ च्याम्पियन्स' को प्रसारण सुरू भएको छ।
मंगलबारदेखि शोको प्रसारण सुरू भएको हो। अब प्रत्येक मंगलबार राति ८ बजे हिमालय टिभीमा र ९ बजे ओएसआर रियालिटी युट्युबमा यो शो दर्शकले हेर्न पाउनेछन्।
पहिलो एपिसोडमा अभिनेता दीपकराज गिरी र जितु नेपाल अतिथिका रूपमा पुगेका थिए भने ८ कमेडियनले प्रस्तुति दिए।
यो शोमा कलाकारका रूपमा कमेडियनहरू सुमन कार्की, सजन श्रेष्ठ, भरतमणि पौडेल, सुमन कोइराला, कैलाश कार्की, मेक्सम गौडेल, प्रभात लामा, पवन भट्टराई, सन्तोष थापा छन्।
'कमेडी नाइट विथ च्याम्पियन्स' को अध्यक्षको रूपमा दीपाश्री निरौला छिन् भने निर्देशक विशाल भण्डारी स्वयं होस्टका रूपमा देखिएका छन्। त्यस्तै, शोको निर्मातामा विशाल भण्डारीसहित हिरणकुमार बस्नेत र सगुन पाण्डे छन्।
शो एक वर्षसम्म ५२ एपिसोड प्रसारणमा आउने जनाइएको छ।
