अभिनेता राजेश हमाल अभिनीत फिल्म 'नरसिंहाः अवतार' को प्रदर्शन मिति घोषणा गरिएको छ।
यसअघि चैत २९ गतेका लागि प्रदर्शन मिति तोकिएको फिल्म जेठ ९ गते रिलिज हुने भएको छ।
सोमबार काठमाडौंमा एक कार्यक्रमकाबीच फिल्मको फर्स्टलुक सार्वजनिक गर्नुका साथै प्रदर्शन मिति घोषणा गरिएको हो।
दिवाकर भट्टराईको लेखन तथा निर्देशनमा तयार बनेको यो फिल्मबाट अभिनेता राजेश हमालले ८ वर्षपछि कमब्याक गर्दैछन्। सोहीकारण पनि यो फिल्मलाई प्रतिक्षित मानिएको छ।
फिल्ममा राजेशका साथमा सरोज खनाल, नीर शाह, राज कटुवाल, नीति शाह, सनिशा भट्टराई, उषा खड्गी, अर्जुन श्रेष्ठ, प्रशान्त ताम्राकार, रमेश चन्द सोडारी, प्रकाश कुँवर, राजिभ जंग बस्नेत, दीपा शाही, प्रभु श्रेष्ठ, अमित गिरी, एभेलिना खड्का, समाइरा थापा, आशा पौडेल लगायत कलाकारहरूको अभिनय छ।
राजु विक्रम थापाको छायांकन रहेको फिल्ममा चन्द्र पन्तको कथा, कविराज गहतराज र माइकल चन्दको कोरियोग्राफी, राजु लामाको एक्सन, मिलन श्रेष्ठ र साहिल खानको सम्पादन, शम्भुजित बाँस्कोटा र अर्जुन पोखरेलको संगीत छ।
पोस्टरको डिजाइन भने राकेश दाहालले गरेका हुन्। फिल्ममा दीपक शर्मा ढकाल, नरेन्द्र महर्जन, ध्रुव न्यौपाने, नेम महर्जनको लगानी छ।
सोमबार आयोजित कार्यक्रममा विद्यार्थीहरूमाझ अभिनेता राजेश हमालसँग सम्बन्धित १० प्रश्न गरिएको थियो। सही जवाफ दिने विद्यार्थीलाई फिल्मका कलाकारहरूले उपहार प्रदान गरे।
फिल्म 'नरसिंहाः अवतार' लाई प्रेम, सस्पेन्स र एक्सनको मिश्रण भनिएको छ।
-1746513231.jpg)
