नेपाल अन्तर्राष्ट्रिय फिल्म महोत्सव (निफ) मा रूसी फिल्महरूको प्रदर्शन गरिएको छ।
रोस्किनोले काठमाडौंमा जारी निफको क्रममा रूसी फिल्महरूको प्रदर्शन आयोजना गरेको हो।
शनिबार काठमाडौंको छायाँ सेन्टरमा रूसी चलचित्र दिवसको आयोजना गरियो। रोस्किनोद्वारा आयोजित र रूसी संस्कृति मन्त्रालयको सहयोगमा आयोजित कार्यक्रममा तीनवटा रूसी फिल्महरू प्रदर्शन भए। 'न्युरेम्बर्ग', 'चौथाई', 'एलेकजेन्ड्रा सह्राना' फिल्म छायाँ सेन्टरमा देखाइएको थियो।
निफमा रसियन चलचित्र दिवस पहिलोपटक मनाइएको हो। निफका अध्यक्ष केपी पाठकले, निफमा पहिलोपटक रसियन चलचित्र दिवस मनाएकोमा खुसी व्यक्त गरे।
उनले विभिन्न देशसँगको फिल्म सहकार्य कायम गर्न खोजेको र संसारका फिल्म नेपाली सहित विश्वमाझ देखाउन चाहने बताए। यस वर्षको निफमा रसियन समाज, रसियन फिलम र रसियन गतिविधिलाई अगाडि बढाउने लक्ष्य रहेको बताए।
रसियन कल्चर सेन्टरका निर्देशक एनथम मास्लोवले नेपाली दर्शकहरूले रसियाको बारेमा र रसियाको फिल्मको बारेमा देखाएको चासो उत्साहमय रहेको बताए।
चैत ७ गतेदेखि सुरू भएको निफ सोमबारसम्म चल्नेछ।
