दीपक रौनियार निर्देशित फिल्म 'राजागंज' को बुधबार काठमाडौंमा प्रिमियर गरिएको छ।
बिग मुभिजमा गरिएको प्रिमियरमा फिल्मकर्मीदेखि नेता र कमेडियन समेतले यो फिल्म हेरेका छन्।
विश्वका प्रतिष्ठित फिल्म फेस्टिभलमा प्रदर्शन भइसकेको यो फिल्मले स्वदेशमा पनि प्रशंसा पाएको छ। प्रिमियरमा फिल्म हेर्नेहरूले यसको प्रशंसा गरेका छन्।
प्रिमियरमा प्राप्त प्रतिक्रियाले निर्माण टिम पनि उत्साहित देखिएको छ। यो फिल्म शुक्रबारदेखि देशभरका हलमा प्रदर्शनमा आउने तयारीमा छ।
फिल्ममा आशा मगराती, दयाहाङ राई, विजय बराल, ऋचा शर्मा, पशुपति राई, निकिता चाण्डक, गौमाया गुरूङ, पुष्पा यादव, आरती मण्डल, घनश्याम मिश्र, परमेश्वर कुमार झा, नीरज श्रेष्ठ लगायतको अभिनय छ।
बलिउड निर्देशक अनुराग कश्यप समेत फिल्मको कार्यकारी निर्माताका रूपमा छन्।
तस्बिरहरू:
