एक्सन फिल्म 'आउटल: दफा २१९' को एक्सन प्याक्ड ट्रेलर सार्वजनिक भएको छ।
शुक्रबार बुढासुब्बा डिजिटल युट्युव च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा अभिनेता सुशिल श्रेष्ठको एक्सन देख्न सकिन्छ।
विक्की महर्जनको लेखन तथा निर्देशनमा तयार भएको फिल्ममा अमित अग्रहरि र नीशा गुइडेको लगानी छ। फिल्ममा विक्की महर्जन र विनोद कठायतको पटकथा, नविन गुरुङको डीओपी छ।
विकास चौधरी सह-निर्माता रहेको फिल्मका कार्यकारी निर्माता विनोद कठायत हुन्। साहिल खानको सम्पादन रहेको फिल्ममा चुल्ठे काजीको एक्सन निर्देशन छ।
यो फिल्ममा सुशिल श्रेष्ठ, शिक्षा संग्रौला, नरेश पौडेल, सुमन भण्डारी, हेम महर्जन, सोनी लागुन, विशाल पहारी, महेश त्रिपाठी, मारिया कार्की र अयान परियारको अभिनय छ।
यो फिल्म फागुन २९ गतेदेखि प्रदर्शन हुनेछ।
