'देश छोड्नेको लर्को', 'हिरूलाल' जस्ता सिर्जनाका सर्जक रतन देवकोटाले नयाँ गीत 'जदौ हजुर' ल्याएका छन्।
सोमबार सार्वजनिक यस गीतमा उनले कर्णालीको पीर, व्यथालाई प्रस्तुत गरेका छन्।
गीतमा शब्द, संगीत र स्वर देवकोटा स्वयंको छ।
गीत सार्वजनिक गर्दै रतनले भनेका छन्, 'कर्णालीको पीडा, संघर्ष, र आशालाई हुड्केको भाकामा पस्किएको गीत, जहाँ भोक, विभेद, र बसाइसराइँका कथा गुँथिएका छन्। यो गीत न्याय, एकता, र परिवर्तनको लागि कर्णालीको मौन पुकार हो।'
उनकै कन्सेप्ट र निर्देशनमा तयार भिडिओमा रतनसहित मिलन कार्की लगायत देखिएका छन्।
सौरभ लामिछानेको डिओपी रहेको भिडिओमा सुशील खनालको छायांकन तथा सम्पादन छ।
रतन देवकोटाकै युट्युबबाट 'जदौ हजुर' सार्वजनिक गरिएको हो।
