फिल्म 'द्रौपदी' को टिजर सार्वजनिक गरिएको छ। हाइलाइटस् नेपालको युट्युबबाट सार्वजनिक १ मिनेट ५७ सेकेन्डको टिजरमा कर्णालीको कथा देखाइएको छ।
कर्णालीको हिमाली क्षेत्रको परिवेश, रहनसहन र नारी संवेदनामा मौलिक फिल्म बनेको टिजरले संकेत गर्छ।
यो फिल्म ऋषिराज आचार्यले लेखन तथा निर्देशन गरेका हुन्।
फिल्ममा 'नेपाल आइडल' विजेता गायक रवि ओड, अश्विनी शाही, जेल्सन अधिकारी, सुजाता तिमल्सिना, विष्णु ठडराई, प्रकाश ज्ञवाली, सीता बौडेल र निर्देशक आचार्य स्वयंको अभिनय छ।
आरबी मुभिजको ब्यानरमा बनेको फिल्मको निर्माता निर्देशक आचार्य स्वयं र प्रकाश ज्ञवाली हुन्। विष्णु ठडराई सह–निर्माता छन्। फिल्मका गीतमा रवि ओड र इन्द्रकला राईको आवाज छ।
यो फिल्म चैत ८ गतेदेखि प्रदर्शनमा आउनेछ।
